اهو كلام وطلع مني .. ورزقي ورزقكم على الله
من فضلك .. متقوليش روح اشتغل اي شغلانه بدل قعدتك دي مستني من اول شغلانه تبقا فوق وابدأ من الصفر
قول للناس الاول ولقرايبنا ان اي شغلانه الانسان يبتدي بيها مش عيب .. ولاهل البنت اللي عايز اخطبها انهم يستنوا عليا الاول لحد ما اكون بيت
من فضلك متقوليش بطل تعاكس بنات انت معندكش اخوات زيهم .
قول لاصحاب المحطات والفيديو كليبات و لكل محلات الملابس و المولات يلموا نفسهم شوية
من فضلك متقوليش بطلوا تاخدوا دروس خصوصية ولا ليه مش بتخلوا مدرس يدخلكم وليه بتغيبوا من المدرسه
قول لسيادة الوزير يغير المنهج الاول ويطوره او اي مدرس يحسسنا انه شرحه جوا زي شرحه برا
من فضلك متقوليش بطل تغش في اي حاجة
قول للناس اللي بيغشوا في الانتخابات .. اللي كسبوا بالتزوير .. وبتهديد السلاح " واقعه حقيقية في محافظة شمال سيناء" ما كلهم بيغشوا
من فضلك متقولش بطل تسرق
ابطل ازاي .. ما تتشطروا على غيري الكبار الاول لما تقدروا تمنعوا حد فيهم .. هحترم نفسي واكسف
من فضلك متقولش اننا بلد فقيره ومتخلفه
ازاي واحنا عندنا حراميه سرقوا ونهبوا مليارات من بلدنا ... ده بالفلوس دي نبقا اغنى دولة في العالم لو عايزين
ازاي واحنا عندنا اطباء و مهندسين وعلماء ومخترعين .. وناس كتيييييييييير اوي عملوا تطورات
في بلاد تانيه للاسف مش عندنا
احنا في دي يمكن فقراء في اساليبنا
فقرا ومتخلفين بصمتنا
مش قادرين نعمل حاجة .. او ده يمكن استسلام
بس مينفعش نبدأ نصلح حاجة قبل ما نبدأ نصلح اللي المفروض نصلحه قبلها
ده الفراعنه بنوا الهرم من القاعدة للقمه
احنا عايزين نعمل العكس
طب ازاي؟؟؟؟؟؟؟
ليست هناك تعليقات:
إرسال تعليق