ليه معرفش

دموع على الخد بتحرقني .. من حزن القلب اللي واجعني

نفسي في حد من ايدي ياخدني .. على فين معرفش

كل حاجة حواليا بتخنقني .. زي ايد على رقبتي بتقتلني

او حد بيدوس على قلبي .. ليه معرفش

مفيش حد حاسس بيا .. الدنيا بتضحك عليا

او انا بضحك ع الدنيا .. ازاي معرفش

في حاجات بتموت فيا .. او انا بقتلها بإيديا

انا في حيرة كل شوية .. لأمتي معرفش

في حاجات كتير منعرفهاش .. وحقايق تموت ومبنشوفهاش

وحاجات نتمنى متسيبناش .. و بتبعد عننا

وحاجات بتجرحنا وتقوينا .. وجرح يجرحنا يعذب فينا

في النهاية جروح ومبتتنساش .. بتكسر قلبنا