مراهقة

في حاجات بنندم عليها .. بس انا عمري ما ندمت


بزعل والعن اليوم اللي ظلمني .. بس عمري ما اضايقت .. لاني اتعلمت


مش كل حاجة احنا عايزنها بنتمناها .. و مش كل كلام بيكون صح


ولا كل دهب بيكون حقيقي .. ازاي مادام في دهب صيني


كل حاجة بقت مزيفه .. هتيجي على اي حاجة وتقول اشمعنا دي بقا .. يادي الغبا


زهقت من كل حاجة .. وخلاص اتخنقت


انا مش مراهقة ولا طفله رومانسيه


ولا مجرد بنت مجنونه ومتهوره شوية


انا انسانه عاديه


بحلم حلم بسيط .. يمكن مش صعب بس مش عبيط


وثقت في ناس خاينه كتير .. اتجرحت وجرحي كان كبير


ما الحب مالوش كبير


بس عيبي اني مفكرتش بعقلي شويه .. بس كده انا


رومانسيه


ما انا برضو اضحك عليا .. باسم الحب والرومانسيه


بس عادي بتحصل بقا .. ما انا لسه صغيره


بس كده انا


طفله


ما هو الحياه لازم تنعاش .. ونخبط فيها يمين وشمال


لازم اكون جريئة .. حتى ولو بريئة شوية


الحياة مش مفيدة .. من غير تجارب عشوائيه


بس كده انا


متهورة شوية


بس الحياه يعني حلوة .. لازم فيها نعيش بجد


ومهما معايا تتطلب .. اعمل اللي نفسي فيه في اي وقت


بس كده انا


مجنونه


يمكن اتفاجئت


او استغربت


بس فعلا انا طلعت


مراهقة بجد

بدون عنوان

 مجرد سؤال

في حاجات سااعات بتكون صعبه .. بتقتلك .. بس بتقدر تعيش

حياة الانسان وعيشته بتفاصيلها ومشاكلها كلها حاجات سهله بس مركبه .. سهلة الصنع .. صعبه ايجاد طريق نهايتها

كلنا بنقعد نقول ليه احنا بيحصل فينا كده واشمعنا انا - لما تواجهنا اي مشكله صعبه - ونشكي ونندب حظنا اللي خلانا نيجي الدنيا 

انا كمان كده .. يمكن انا اكتر الناس على وجهه الكره الارضيه والمجرات والكواكب والنجوم الخ الخ بتقول كده

بس قررت اتغير .. احاول افكر بطريقه ايجابيه

مش بسبب نصايح حد ليا

مع العلم - واسمحولي اخرج عن الموضوع ومع احترامي لاي حد نصحني وان انا مش بقلل من نصيحه حد ليا - بس ليه كل الناس بتنصح نفس النصيحه بنفس الطريقة والاسلوب

طب ياترى فعلا كل اللي بينصحوا دول بينفذوا كلامهم ده 100% وبصراحة؟

اكيد لا .. مش كلهم .. ومش 100% التنفيذ بيكون كامل

الكلام سهل اوووووووووووي .. سهل جدا

بس الفعل؟ .. حط نفسك مكان اللي بتنصحه وشوف هتقدر تعمل كل الحاجات دي

وبيكون الانسان ده محبط ويائس .. اكيد يعني مش يكون بيرفض النصيحة دي لما يقولك صعب اعمل كده و هحاول عشان هو مستمتع اوي بالاحباط اللي هو فيه وبالفشل واليأس اللي جواه

اكيد لأ

نرجع للسبب اللي خلاني اقرر اتغير وافكر احسن

حديث سمعته من يومين للرسول عليه الصلاة والسلام

( قَالَ : (إِنَّ عِظَمَ الجَزَاءِ مَعَ عِظَمِ البَلاَءِ ، وَإِنَّ اللَّهَ إِذَا أَحَبَّ قَوْمًا ابْتَلاَهُمْ ، فَمَنْ رَضِيَ فَلَهُ الرِّضَا ، وَمَنْ سَخِطَ فَلَهُ السَّخَطُ ) .صدق رسول الله صلى الله عليه وسلم

يعني ربنا بيحب الانسان لما بيبتليه .. بيختبر ايمانه وقوة تحمله .. وكل ده له جزاء وثواب عند ربنا للانسان ده

انا قررت اصبر و اقول في كل حاجة وحشه تحصلي مهما كانت كبيره او صغيره

انا لله وان اليه راجعون  

مش هنصح حد واقوله اعمل زي

بس هسأل سؤال واحد  

لما يكون ربنا بيحبك وبيختبر حبك له وانت فعلا ايمانك قوي ولا لأ .. لا وايه كل ده له ثواب وهو انك تدخل الجنه

هتبقا تودو كيكه لا بتحل ولا بتربط .. ولا هتصبر؟

خلص الكلام

سلام